ڀارتي رياست بهار جي هڪ مندر ۾ ڀاڄ پوڻ سبب 7 ڄڻا فوت ٿي ويا. ڀارتي ميڊيا موجب رياست بهار ۾ اشوڪ ڌام مندر ٻاهران بي قابو ميڙ سبب ڀاڄ پئجي وئي، جنهن جي نتيجي ۾ 7 ڄڻا فوت ۽ ڪيترائي زخمي ٿي پيا. رپورٽ موجب واقعو ساون جي ٽئين سومر جي صبح پيش آيو، جڏهن وڏي انگ ۾ ماڻهو پوڄا لاءِ مندر پهتا هئا. پوليس جو چوڻ آهي ته کين شڪ آهي ته مندر ۾ بجليءَ جو هڪ ٿنڀو ڪرڻ سبب خوف ۽ هراس پکڙيو، جنهن کانپوءِ ڀاڄ جهڙي صورتحال پيدا ٿي ۽ جاني نقصان ٿيو. بهار پوليس جو چوڻ آهي ته واقعي جو اصل سبب تحقيقات ۽ مڪمل تصديق کانپوءِ معلوم ڪيو ويندو.