پاڪستان جي مشهور اداڪار احسن خان چيو آهي ته مردن کي گهرجي ته هو پنهنجي زالن کي خودمختيار بڻائين ۽ کين زندگي ۾ اڳتي وڌڻ جا موقعا فراهم ڪن
هڪ تازي انٽرويو دوران احسن خان چيو ته جيڪڏهن مڙس پاڻ ڪامياب ٿي رهيو آهي ته کيس ڪوشش ڪرڻ گهرجي ته سندس زال به پنهنجي ذاتي ڪاميابين تائين پهچي. هن چيو ته زال کي صرف ٻارن جي پرورش، گهر جي ذميوارين ۽ رڌڻي تائين محدود نه رکڻ گهرجي.
احسن خان موجب، جيڪڏهن ڪا عورت هڪ ئي دائري ۾ ڦاسي رهي ٿي ته ان ۾ گهڻو ڪري مڙس جي به ذميواري هوندي آهي. هن مردن کي اپيل ڪئي ته هو پنهنجي زالن جو ساٿ ڏين، کين تعليم حاصل ڪرڻ، نوان هنر سکڻ ۽ پنهنجو اعتماد وڌائڻ جا موقعا فراهم ڪن.
اداڪار پنهنجي مثال ڏيندي چيو ته هن پنهنجي زال جي بئڪنگ جي شوق جي همٿ افزائي ڪئي، وڌيڪ تعليم ۽ ڪورس ڪرڻ لاءِ چيو، ٻارن جي ذميواري پاڻ سنڀالي ۽ کيس ڊرائيونگ به سيکاري ته جيئن هوءَ اعتماد سان پنهنجا ڪم پاڻ ڪري سگهي.
