ڀارتي ڳائڻي ۽ ريپر بادشاهه جي گهرواري اداڪارا ايشا رکي جي سوشل ميڊيا پوسٽ کان پوءِ سندن عليحدگي جون افواهون زور وٺي ويون آهن

ڀارتي ميڊيا موجب، ايشا رکي پنهنجي انسٽاگرام اڪائونٽ تي پنهنجي ۽ ڳائڻي بادشاهه جي شادي سميت ٻه وڊيوز شيئر ڪيون

ايشا رکي انهن وڊيوز جي ڪيپشن ۾ ٻه معنائن واري پوسٽ لکندي چيو ته، "هر طوفان هڪ سبق آهي ۽ هر دعا هڪ اميد آهي،" جنهن سان گڏ هن هٿ ٻڌل ايموجي پڻ شامل ڪيو

ڳائڻي جي گهرواري جي اها پوسٽ سوشل ميڊيا تي تيزي سان وائرل ٿي وئي، جنهن کان پوءِ جوڙي جي عليحدگي جون افواهون گردش ڪرڻ لڳيون

ڀارتي ميڊيا موجب، جيتوڻيڪ ايشا پنهنجي لاڳاپن بابت ڪنهن به مسئلي جو سڌو سنئون ذڪر نه ڪيو، پر سندس ڪيپشن ۽ وڊيوز جي نوعيت قياس آرائين کي هٿي ڏني آهي

واضح رهي ته بادشاهه ۽ ايشا رکي جي شادي جي خبر هن سال مارچ ۾ سامهون آئي هئي

ان کان اڳ بادشاهه جي پهرين شادي جيسمين مسيح سان ٿي هئي، جيڪا اٺ سال هلڻ کان پوءِ ختم ٿي وئي، جڏهن ته ان جوڙي کي هڪ ڌيءَ پڻ آهي