پاڪستاني اداڪارا نمره خان جي ٻي شادي ۾ اختلافن جون خبرون سامهون اچڻ کانپوءِ سندس طرفان سوشل ميڊيا تي مبهم پيغام شيئر ڪرڻ جو سلسلو جاري آهي
هاڻي اداڪارا انسٽاگرام اسٽوري تي هڪ ٻي سوشل ميڊيا پوسٽ شيئر ڪئي، جنهن ۾ هن مالي طور ڪمزور ڇوڪرن کي فقيرن سان تشبيهه ڏيندي والدين کي اهڙن ڇوڪرن سان پنهنجي ڌيئرن جي شادي نه ڪرڻ جو مشورو ڏنو.
اداڪارا اڄڪلهه تڪليف ڏيندڙ ۽ اذيت ڀريو رويو رکندڙ مردن خلاف پيغام شيئر ڪري رهي آهي، هوءَ ان ڳالهه تي به زور ڏئي رهي آهي ته هڪ عورت لاءِ ڪنهن غلط شخص سان شادي ڪرڻ کان بهتر آهي ته هوءَ اڪيلي ۽ خودمختيار زندگي گذاري.
هن ڇوڪرين جي والدين کي مشورو ڏنو آهي ته پنهنجي ڌيئرن جي شادي ڪرائڻ کان اڳ ڪجهه اهم ڳالهين کي ضرور نظر ۾ رکڻ گهرجي.
نمره خان سوشل ميڊيا تي وائرل ٿيل هڪ پيغام ٻيهر شيئر ڪيو، جنهن ۾ ڌيئرن جي والدين کي مشورو ڏنو ويو هو ته پنهنجي ڌيئرن جي شادي فقيرن سان نه ڪن، يعني اهڙن مردن سان شادي نه ڪرائين جيڪي مالي طور ٻين جا محتاج هجن.
اداڪارا به ان مشوري جي حمايت ڪندي چيو ته رشتو طئي ڪرڻ کان اڳ ڇوڪري جي والدين لاءِ ڇوڪري جي ٿيڻ واري مڙس جي مالي حيثيت ڏسڻ تمام ضروري آهي.
واضح رهي ته نمره خان ۽ سندس مڙس طرفان هن وقت تائين علحدگي بابت ڪو واضح اعلان سامهون ناهي آيو.
