جلال پور ڀٽيان: پنجاب جي راندين ۽ توانائي واري صوبائي وزير فيصل ايوب کوکر جو چوڻ آهي ته نسيم شاهه لاءِ 2 ڪروڙ رپين جو ڏنڊ تمام گهٽ سزا آهي، جيڪڏهن هن پنهنجي ٻولي تي ضابطو نه رکيو ته کيس ٽيم مان ڪڍيو ويندو. پنجاب جي راندين ۽ توانائي واري صوبائي وزير فيصل ايوب کوکر قومي ڪرڪيٽر نسيم شاهه جي تازي بيانن تي سخت ڪاوڙ جو اظهار ڪيو آهي ۽ چيو آهي ته سٺو رانديگر هجڻ جو مطلب اهو ناهي ته پنهنجي ٻولي تي ضابطو نه رکي.هن واضح ڪيو ته جيڪڏهن رويو صحيح نه هوندو ته نسيم شاهه کي ٽيم مان ڪڍيو ويندو.ڳالهائيندي صوبائي وزير چيو ته اظهار جي آزادي جو مطلب اهو ناهي ته ملڪ جي چيف ايگزيڪيوٽو خلاف منفي ڳالهايو وڃي. هن پنجاب جي وڏي وزير جي حمايت ۾ چيو ته “جيڪڏهن نسيم شاهه ۽ منهنجون ڀينرون اڄ محفوظ آهن ته اهو وڏي وزير مريم نواز جي ڪري آهي. نسيم شاهه کي 2ڪروڙ جي جرماني جي تمام گهٽ سزا ڏني وئي آهي. محسن نقوي صبر جو مظاهرو ڪيو. جيڪڏهن هو پنهنجي جاءِ تي هجي ها ته وڌيڪ سخت سزا ڏئي ها
