اسلام آباد: وزارت آئي ٽي پاڪستان ڊجيٽل اٿارٽي کي ملڪ جي مرڪزي ڊيٽا ريگيوليٽر اٿارٽي بڻائڻ جو فيصلو ڪري ورتو آهي.
دستاويزن موجب پاڪستان ڊجيٽل اٿارٽي وفاقي ادارن ۾ ڊيٽا گورننس جي نگراني ڪندي، جنهن تحت سڀني وفاقي ادارن کي قومي ڊيٽا گورننس فريم ورڪ تي عملدرآمد يقيني بڻائڻو پوندو.
مجوزه نيشنل ڊيٽا گورننس پاليسي 2026 تحت پاڪستان ڊجيٽل اٿارٽي کي وسيع اختيار ڏنا ويندا. اٿارٽي نيشنل اوپن ڊيٽا پورٽل ۽ نيشنل ڊيٽا ايڪسچينج پليٽ فارم جي نگراني پڻ ڪندي.
