ليجنڊ ڳائڻي عطا الله خان عيسيٰ خيلوي انڪشاف ڪيو آهي ته هن پنهنجي قبر اڳواٽ تيار ڪرائي ڇڏي آهي
تازو هڪ انٽرويو دوران عطا الله خان پنهنجي زندگي بابت مختلف موضوعن تي ڳالهائيندي آخرت بابت پڇيل سوال جو جواب ڏيندي چيو ته هن عيسيٰ خيل ۾ پنهنجي قبر تيار ڪرائي آهي
هن وڌيڪ ٻڌايو ته سندن خانداني قبرستان الڳ آهي، پر هن خانداني قبرستان کان ٿوري مفاصلي تي پنهنجي قبر ٺهرائي آهي، جتي ٻه يا ٽي قبرن جي به جاءِ موجود آهي
هڪ ٻئي سوال جي جواب ۾ ليجنڊ ڳائڻي چيو ته سندس ڪيترائي ويجها دوست هن دنيا مان لاڏاڻو ڪري چڪا آهن، جڏهن ته سندس والدين ۽ هڪ ڀيڻ پڻ وفات ڪري چڪا آهن. هن چيو ته آخرڪار اسان سڀني کي هڪ ڏينهن هن دنيا مان وڃڻو آهي
