عالمي شهرت يافته پاڪستاني گلوڪار عاطف اسلم چيو آهي ته کيس پنهنجا ڀارتي مداح ياد اچن ٿا. عاطف اسلم تازو هڪ انٽرويو ۾ پنهنجي ماضي جون ڪيتريون ئي يادون تازيون ڪندي بالي ووڊ سان لاڳاپيل خوشگوار لمحن جو ذڪر ڪيو. هڪ سوال جو جواب ڏيندي گلوڪار چيو ته هو ’بارڊر ليس ميوزڪ‘ نالي هڪ نئين پروجيڪٽ تي ڪم ڪري رهيو آهي، جنهن ۾ نوجوان فنڪارن، سينيئرز، جونيئرز، ليجنڊز، موسيقارن ۽ گيتڪارن سميت ڪيترن ئي ماڻهن سان گڏجي ڪم ڪري رهيو آهي ۽ جلد نئين موسيقي مداحن تائين پهچندي. هن پنهنجي سمورن ڀارتي مداحن کي چيو ته پابندي سبب اداس يا خراب محسوس نه ڪن، بس ايترو ڄاڻن ته هو هميشه کين ياد ڪندو رهيو آهي. عاطف اسلم جو چوڻ هو ته کيس اتي ڪم ڪرڻ ياد نٿو اچي، پر ڀارتي مداح ضرور ياد اچن ٿا، ڇاڪاڻ ته پلے بیک سنگنگ کيس گهڻو ڪجهه سيکاريو آهي. هن چيو ته جيڪڏهن اها پابندي نه لڳي ها ته شايد هو پنهنجي ذاتي موسيقي تخليق نه ڪري سگهي ها، ۽ هو ان ڳالهه جي قدر ڪري ٿو ته ڀارتي مداح سندس ساٿ ۾ بيٺل رهيا.
