مشهور ڀارتي فلم ساز رام گوپال ورما ۽ اداڪارا ارميلا ماتونڊڪر جي وچ ۾ 90ع واري ڏهاڪي ۾ ڊيٽنگ جون افواهون هيون، ۽ هاڻي ٻئي هڪ ڀيرو ٻيهر سرخين ۾ اچي ويا آهن.
ڀارتي ميڊيا رپورٽن موجب هڪ سينيئر ڀارتي صحافي دعويٰ ڪئي آهي ته هن جوڙي مبينا طور پنهنجي لاڳاپن دوران ڳجهي شادي ڪئي هئي.
هڪ يوٽيوب چينل تي ڳالهائيندي بالي ووڊ جي سينيئر صحافي جيوتي وينڪٽيش ٻڌايو ته اها ڄاڻ کيس چرنجيوي کان ان وقت ملي جڏهن هو فلم جينٽلمين جي سيٽ تي اداڪار سان مليو.
جيوتي موجب چرنجيوي مون کي چيو ته جيوتي، هڪ صحافي طور تون هر ڳالهه بابت لکندو آهين، پوءِ تون رام گوپال ورما ۽ ارميلا جي شادي بابت ڇو نه لکيو؟
صحافي ٻڌايو ته جڏهن هن دعويٰ جي ثبوت بابت پڇيو ته اداڪار انڪشاف ڪيو ته اها شادي آندھرا پرديش جي هڪ مندر ۾ ٿي هئي ۽ هن ان پجاري جو فون نمبر پڻ ڏنو جنهن اها رسم ادا ڪرائي هئي.
تنهن هوندي به خبر شايع ڪرڻ کان اڳ وينڪٽيش شادي جي تصديق لاءِ ارميلا کي فون ڪيو.
هن دعويٰ ڪئي ته ارميلا روئڻ لڳي ۽ چيائين ته توهان منهنجي باري ۾ اهڙي طرح ڪيئن لکي سگهو ٿا، توهان مون کي ان وقت کان سڃاڻو ٿا جڏهن مون انڊسٽري ۾ قدم رکيو هو.
صحافي ٻڌايو ته هن رام گوپال ورما سان به موقف لاءِ رابطو ڪيو، پر فلم ساز تبصرو ڪرڻ کان انڪار ڪري ڇڏيو.
جيوتي وينڪٽيش رام گوپال ورما ۽ ارميلا ماتونڊڪر جي مبينا عليحدگي جي سبب بابت پڻ ڳالهايو.
سندس موجب ارميلا، رام گوپال ورما سان قانوني طور شادي ڪرڻ چاهيندي هئي، پر هو ان وقت اهو قدم کڻڻ لاءِ تيار نه هو، جيڪو آخرڪار سندن عليحدگي جو سبب بڻيو.
هن مبينا جوڙي گڏجي ڪيترين ئي فلمن ۾ ڪم ڪيو، جن ۾ رنگيلا، دوڙ، ستيا ۽ پيار تو نے ڪيا شامل آهن.
