ايران ۾ سالياني مهانگائي جي شرح 66 سيڪڙو تائين پهچي وئي آهي. ايران جي شماريات مرڪز پاران جاري ڪيل سرڪاري انگن اکرن موجب ملڪ ۾ سالياني مهانگائي جي شرح 66 سيڪڙو تائين پهچي وئي آهي، جڏهن ته گهٽ ۾ گهٽ 8 بنيادي شين جون قيمتون 12 مهينن دوران ٻيڻ کان به وڌيڪ ٿي ويون آهن. رپورٽ موجب ملڪ ۾ خوراڪ ۽ مشروبات جي قيمتن ۾ سالياني بنياد تي 128 سيڪڙو اضافو ٿيو، جڏهن ته جولاءِ ۾ مهانگائي جي ماهوار شرح 3.1 سيڪڙو رڪارڊ ڪئي وئي. عرب ميڊيا موجب اهي انگ اکر ايران ۾ وڌندڙ زندگي گذارڻ جي خرچن واري بحران جي شدت کي ظاهر ڪن ٿا ۽ ٻڌائن ٿا ته ملڪ جي معيشت عالمي پابندين ۽ علائقائي تڪرارن جي خرچن جي گڏيل دٻاءَ سبب سخت متاثر ٿي رهي آهي.