پاڪستاني ٽي وي شو ميزبان مٿيرا چيو آهي ته اسان پنهنجي سماج ۾ مردن کي مشين بڻائي ڇڏيو آهي
تازو ڏنل هڪ انٽرويو دوران مٿيرا زندگي جي مختلف پهلوئن سان گڏ مردن ۽ عورتن بابت به خيالن جو اظهار ڪيو.
هن مردن جي حمايت ڪندي چيو ته اسان جي معاشري ۾ مردن سان تمام گهڻي زيادتي ٿئي ٿي. سندس چوڻ هو ته جيڪڏهن ڪا عورت ڪنهن مرد بابت چوي ته هن مون کي هٿ لڳايو آهي ته ماڻهو حقيقت ڄاڻڻ کان اڳ ئي مرد کي ڏوهاري سمجهي ويهندا.
مٿيرا چيو ته اسان مردن کي رڳو ذميوارين جو بار ڏنو آهي، سندن جذبن ۽ احساسن تي ڌيان نٿو ڏنو وڃي. مسلسل ذميوارين سبب ڪيترائي مرد ذهني ۽ جذباتي طور ٿڪجي پون ٿا، جنهن جو اثر سندن خانداني زندگي تي به پوي ٿو.
هن وڌيڪ چيو ته اسان جي معاشري ۾ ڪيترائي مرد ڊپريشن جو شڪار آهن، پر هو پنهنجا احساس ظاهر نٿا ڪري سگهن ۽ نه ئي پنهنجن دوستن سان دل جي ڳالهه ڪرڻ ۾ آساني محسوس ڪن ٿا.
