پاڪستان جي سينيئر اداڪارا جوييريا سعود انڪشاف ڪيو آهي ته تصويرن تي فلٽر لڳائڻ سبب سندس ٻار ناراض ٿي وڃن ٿا۔
جوييريا سعود تازو هڪ انٽرويو ڏنو، جنهن ۾ هن شوبز سميت مختلف موضوعن تي ڳالهه ٻولهه ڪئي۔
هڪ سوال جو جواب ڏيندي اداڪارا چيو ته اڄڪلهه جون ڇوڪريون بالي ووڊ اداڪارا ڪرينا ڪپور، ڪترينا ڪيف ۽ ڪاجول سميت ٻين اداڪارائن کان تمام گهڻو متاثر آهن، جنهن سبب اهي انهن جهڙو ڏسڻ لاءِ محنت ڪن ٿيون ۽ پنهنجو چهرو به انهن جهڙو بڻائڻ جي ڪوشش ڪن ٿيون۔
هن چيو ته جڏهن مان تصويرن تي فلٽر لڳايان ٿي ته منهنجا ٻار مون سان وڙهن ٿا ۽ فلٽر لڳائڻ کان منع ڪن ٿا۔
جوييريا جو چوڻ هو ته منهنجا ٻار مون کان سوال ڪندي چون ٿا ته ڇا توهان الله جي تخليق مان مطمئن ناهيو؟ توهان فلٽر ڇو لڳايو ٿا؟ ٻار منهنجي موبائل فون مان فلٽر ايپ ڊيليٽ ڪري ڇڏين ٿا، پر مان لڪي ٻيهر ايپ ڊائون لوڊ ڪري وٺان ٿي۔
