خيبر پختونخوا ۾ 9 رڪني جبل چاڙهيندڙ ٽيم 6050 ميٽر اوچي ٿلو زوم چوٽي سر ڪري ورتي آهي. خيبر پختونخوا ٽوئرزم اٿارٽي موجب، ٿلو زوم هندوڪش جبلن جي سلسلي جي انتهائي ڏکي ۽ گهٽ سر ڪيل چوٽين مان هڪ آهي. ٽوئرزم اٿارٽي جو چوڻ آهي ته 8 ڏينهن واري ڏکئي مهم کانپوءِ جبل چاڙهيندڙن ٿلو زوم چوٽي تي قومي جهنڊو ڦڙڪايو. ٿلو زوم مهم 9 جولاءِ تي شروع ڪئي وئي هئي، جڏهن ته ٽيم 17 جولاءِ تي چوٽي سر ڪرڻ ۾ ڪامياب ٿي. جبل چاڙهيندڙن ڪمراٽ ۽ چترال جي ڏکين رستن، گليشيئرن ۽ برفاني ڏارن کي عبور ڪيو. خيبر پختونخوا ٽوئرزم اٿارٽي موجب، ٿلو زوم چوٽي پهريون ڀيرو 1971ع ۾ آسٽريلوي ۽ 2019ع ۾ اطالوي جبل چاڙهيندڙن سر ڪئي هئي.
