واشنگٽن: آمريڪي صدر ڊونلڊ ٽرمپ ايران جي ڌمڪين سبب ڳجهي اڏام ذريعي ترڪي مان واپسي واري واقعي بابت ڳالهائيندي چيو آهي ته گذريل مهيني ترڪي مان ڳجهي فوجي اڏام کانپوءِ جنهن جهاز ۾ هن سفر ڪيو، اهو وڌيڪ خطري ۾ هو

آمريڪي صدر ٽرمپ صحافين سان ڳالهائيندي چيو ته جهاز تبديل ڪرڻ وقت هو سيڪريٽ سروس جي هدايتن تي عمل ڪري رهيو هو، جنهن جهاز تي هو سفر ڪري رهيو هو، ان کي وڌيڪ خطرو ٿي سگهي پيو، ايران تي ڀروسو ناهي.

ان کان اڳ آمريڪي اخبار گذريل مهيني نيٽو اجلاس کانپوءِ آمريڪي صدر جي ترڪي مان روانگي بابت حيران ڪندڙ رپورٽ جاري ڪئي هئي.

آمريڪي اخبار انڪشاف ڪيو هو ته گذريل مهيني ترڪي جي دوري کانپوءِ ٽرمپ جي ڳجهي واپسي ايران طرفان ملندڙ ڌمڪين سبب ٿي. انقره ايئرپورٽ تي ٽرمپ ڪيمرائن جي سامهون ايئر فورس ون ۾ سوار ٿيا، پر ٽرمپ کي ڳجهي طور ايئر فورس ون مان ڪيٽرنگ ٽرڪ ذريعي ٻئي جهاز تائين پهچايو ويو ۽ هو ترڪي مان ايئر فورس جي سي-32 اي جهاز ذريعي برطانيا پهتا.

آمريڪي اخبار موجب ايئر فورس ون ۾ صحافين کي دريائن جا شيڊ هيٺ رکڻ جي هدايت ڪئي وئي هئي، صحافي ۽ وائيٽ هائوس جو عملو اهو ئي سمجهندو رهيو ته ٽرمپ ايئر فورس ون ۾ موجود آهن، جڏهن ته اهو واضح ناهي ته برطانيا ۾ ٽرمپ کي ٻيهر ايئر فورس ون جهاز ۾ ڪيئن منتقل ڪيو ويو.