آمريڪي رياست ٽيڪساس ۾ اسلاموفوبيا ۾ اضافو ڏسڻ ۾ اچي رهيو آهي ۽ ٽيڪساس جي مسلم ڪميونٽي کي وڌندڙ تعصب کي منهن ڏيڻو پئجي رهيو آهي. آمريڪي ميڊيا موجب ڊلاس فورٽ ورٿ سميت رياست ٽيڪساس جي مختلف علائقن ۾ تازن مهينن دوران مسلم ڪميونٽي خلاف ڌمڪين ۽ توهين آميز واقعن جا اطلاع مليا آهن. رپورٽ موجب هيوسٽن ۾ نئين اسلامي مرڪز کي دهشتگردي جو نشانو بڻائڻ جي ڌمڪي ڏني وئي، جڏهن ته ڪانرو ۾ به مسلمان خريدارن کي نفرت انگيز بيانن کي منهن ڏيڻو پيو. آمريڪي ميڊيا موجب ٽيڪساس جي ڪجهه ريپبلڪن اڳواڻن پاران مسلم ادارن خلاف جاچ ۽ اسلامي رسمن تي پابندين جون ڪوششون پڻ جاري آهن. ريپبلڪن اميدوار بو فرانس سوشل ميڊيا تي سخت مسلم مخالف بيان ڏيندي چيو ته هو هر مسلمان جي نڪري وڃڻ تائين آرام سان نه ويهندو.