آمريڪي اخبار پينٽاگون جي دستاويزن جي حوالي سان ٻڌايو آهي ته يمن ۾ گذريل سال آمريڪي حملن ۾ 150 کان وڌيڪ شهري مارجي ويا

رپورٽ موجب پينٽاگون اعتراف ڪيو آهي ته يمن ۾ آمريڪي هوائي حملن دوران گذريل سال 153 شهري مارجي ويا ۽ 243 زخمي ٿيا.

پينٽاگون موجب اڪثر شهري فوتگيون اپريل 2025 ۾ آمريڪي فوج جي 3 ڪارروائين دوران ٿيون، هڪ هوائي حملو 6 اپريل تي صنعا ۾ ڪيو ويو، جنهن ۾ 5 شهري مارجي ويا، ٻيو حملو 17 اپريل تي راس عيسيٰ بندرگاهه تي ڪيو ويو، جنهن ۾ 80 شهري مارجي ويا، جڏهن ته ٽيون حملو 28 اپريل تي صعده جي ويجهو ڪيو ويو، جنهن ۾ 47 شهري مارجي ويا.

آمريڪي اخبار جي رپورٽ موجب يمن ۾ آمريڪي فوجي آپريشن بابت وڌيڪ 15 ڪارروايون اڃا تائين غور هيٺ آهن.