اسپين فٽبال ورلڊ ڪپ جي تاريخ جو منفرد رڪارڊ پنهنجي نالي ڪري ورتو. نيويارڪ جي نيو جرسي اسٽيڊيم ۾ کيڏيل فيفا فٽبال ورلڊ ڪپ جي فائنل ۾ اسپين شاندار راند جو مظاهرو ڪيو ۽ ارجنٽينا خلاف لڳاتار حملا ڪيا. اسپين ارجنٽينا خلاف 1-0 تان ڪاميابي حاصل ڪري ٻيو ڀيرو ورلڊ ڪپ جو ٽائيٽل پنهنجي نالي ڪيو. اسپين جي طرفان فيصلائتو گول ٽوريس راند جي اضافي وقت جي ٻئي هاف ۾ ڪيو. هن ڪاميابي سان گڏ اسپين فٽبال ورلڊ ڪپ جي تاريخ جو منفرد رڪارڊ به پنهنجي نالي ڪري ورتو. اها سڄي ٽورنامينٽ دوران صرف هڪ گول کائي اعزاز کٽيندڙ پهرين ٽيم بڻجي وئي. ورلڊ ڪپ دوران اسپين خلاف رڳو هڪ ئي گول اسڪور ٿيو، جڏهن ته 8 ميچن ۾ ڪا به ٽيم اسپين خلاف برتري حاصل نه ڪري سگهي.