آمريڪا جو صدر ڊونلڊ ٽرمپ سي اين اين جي صحافڻ تي ڪاوڙجي پيو. وائيٽ هائوس ۾ ميڊيا سان ڳالهائيندي سي اين اين جي صحافڻ سوال ڪيو ته صدر ٽرمپ پهرين نظرانداز ڪرڻ جي ڪوشش ڪئي، پر پوءِ ڪاوڙجي پيو. آمريڪي صدر صحافڻ کي چيو ته ’تون تمام گهڻو شور مچائيندڙ جعلي رپورٽر آهين، جيڪا ڪوڙيون خبرون ڏين ٿي‘. خاتون صحافي صدر کان ڏکڻ ڪوريا بابت سوال پڇندي رهي، پر ٽرمپ کيس بي ادب قرار ڏيندي نظرانداز ڪري ڇڏيو. آمريڪي صدر وڌيڪ چيو ته يو ايس ايس لنڪن تي کاڌو گهٽ هجڻ بابت خبر به سي اين اين نشر ڪئي هئي، جيڪا ڪوڙي خبر آهي، ۽ دعويٰ ڪئي ته يو ايس ايس لنڪن تي هر شيءِ ٺيڪ آهي.