اسلام آباد (ويب ڊيسڪ) پاڪستان خطي ۾ امن جي قيام لاءِ پنهنجون ڪوششون جاري رکيو پيو اچي، ان سلسلي ۾ وزيراعظم شهباز شريف سعودي عرب، جڏهن ته فيلڊ مارشل سيد عاصم منير ايران پهتو آهي.
وزيراعظم شهباز شريف اهم سرڪاري دوري تي اعليٰ سطحي وفد سان گڏ سعودي عرب پهتو.
وزيراعظم آفيس موجب جده ۾ وزيراعظم جي سعودي ولي عهد محمد بن سلمان سان ملاقات ٿيندي، جنهن ۾ پاڪ – سعودي عرب ٻه طرفن لاڳاپن کي هٿي ڏيڻ ۽ خطي جي صورتحال تي ڳالهيون ٿينديون.
هوڏانهن فيلڊ مارشل سيد عاصم منير ۽ وفاقي گهرو وزير محسن نقوي هڪ اعليٰ سطحي وفد سان گڏ تهران پهتا آهن.
آءِ ايس پي آر موجب پاڪستاني وفد جنگبندي جي حوالي سان جاري سفارتي ۽ ٽياڪڙي ڪوششن جي سلسلي کي اڳتي وڌائيندو.
بيان ۾ چيو ويو آهي ته اهو دورو خطي ۾ جاري ڇڪتاڻ جي خاتمي ۽ امن جي قيام لاءِ پاڪستان جي مسلسل سفارتي ڪوششن جو حصو آهي.
