ڪراچي (ويب ڊيسڪ) آمريڪا ۽ ايران جي وچ ۾ ڳالهيون ڇنڇر تي وفاقي راڄڌاني اسلام آباد ۾ شروع ٿي رهيون آهن.

مذاڪراتي عمل ۾ آمريڪا جي نمائندگي نائب صدر جَي ڊي وينس جي قيادت ۾ وفد ڪندو، جڏهن ته ايراني وفد جي سربراهي پارليامينٽ جو اسپيڪر محمد باقر قاليباف ڪندو.

سوشل ميڊيا تي آمريڪا-ايران ڳالهين بابت مختلف قسم جا ٽرينڊز هلي رهيا آهن، جڏهن ته واهپيدار جَي ڊي وينس جي دوري کي خاص اهميت ڏئي رهيا آهن.

سوشل ميڊيا واهپيدارن طرفان جي ڊي وينس جي دوري تي مختلف قسم جون ميمز شيئر ڪيون پيون وڃن.

ايڪس واهپيدار حمزه فاروق لکيو ته ”سنيل منج ۽ جي ڊي وينس، ايئر فورس ون جي مالڪ جو جائزو.“

سيد زين رضا لکيو ته ”وينس کي سيز فائر سان گڏ جيتو پاڪستان ٽريزري باڪس مان جامِ شيرين طرفان موٽر سائيڪل ملندي.“

هڪ واهپيدار اڳوڻي وزيراعظم نواز شريف جي تقرير جو ڪلپ شيئر ڪندي لکيو ته ”جي ڊي وينس نيرن ۾ نهاري کائڻ کانپوءِ.“

سعديه احمد هڪ فوٽو شيئر ڪيو جنهن تي لکيل هو ”جي ڊي وينس چِپس موجود آهن.“

افي لکيو ته ”بينظير انڪم سپورٽ پروگرام طرفان توهان لاءِ 75 هزار 600 رپيا آيا آهن، توهان جو هي نمبر بي آءِ ايس پي ۾ رجسٽرڊ هو. مهرباني ڪري هن واٽس اپ نمبر تي رابطو ڪريو.“

علي هٿرادو ڏاهپ واري ٽيڪنالوجي( اَي آءِ ) ذريعي تيار ڪيل فوٽو شيئر ڪندي لکيو ته ”جي ڊي وينس اسلام آباد جي آچر بازار ۾ وڪري لاءِ رکيل پنهنجي استعمال ٿيل شرٽ سڃاڻي ورتي.“

عبدالله لکيو ته ”جي ڊي وينس جي پاڪستان ۾ پهرين صبح“