گوگل پنهنجي مشهور ويب براؤزر گوگل ڪروم لاءِ اهم سيڪيورٽي اپڊيٽ جاري ڪري صارفين کي فوري طور تي براؤزر اپڊيٽ ڪرڻ جي هدايت ڪئي آهي۔ گوگل موجب نئين اپڊيٽ ۾ اهڙيون ٻه سنگين سيڪيورٽي خاميون ختم ڪيون ويون آهن جن کي هيڪرز استعمال ڪري سگهن ٿا ۽ جيڪي صارفن جي ڊيٽا لاءِ خطرو بڻجي سگهن ٿيون۔ ڪمپني جو چوڻ آهي ته ڪروم دنيا جو سڀ کان وڌيڪ استعمال ٿيندڙ براؤزر آهي، تنهنڪري ان ۾ موجود سيڪيورٽي مسئلا وڏو نقصان پهچائي سگهن ٿا۔ صارف سيٽنگز ۾ وڃي “About Chrome” آپشن ذريعي چيڪ ڪري سگهن ٿا ته براؤزر اپڊيٽ ٿيل آهي يا نه، ۽ جيڪڏهن اپڊيٽ موجود هجي ته اهو پاڻمرادو انسٽال ٿي ويندو۔ اپڊيٽ مڪمل ٿيڻ بعد براؤزر کي ري لانچ ڪرڻ سان نئون ورزن فعال ٿي ويندو۔