انسٽاگرام پنهنجي صارفين لاءِ هڪ نئون فيچر متعارف ڪرايو آهي، جنهن جو مطالبو ڪافي عرصي کان ڪيو پئي ويو. هن فيچر ذريعي صارف هاڻي پنهنجي پروفائل تي موجود پوسٽن کي پنهنجي مرضي موجب ترتيب ڏئي سگهندا. نئين "ري آرڊر" آپشن سان پراڻين پوسٽن کي به پروفائل گرڊ ۾ ڪنهن به جاءِ تي منتقل ڪري سگهجي ٿو، جنهن سان اهم تصويرن ۽ مواد کي نمايان ڪرڻ آسان بڻجي ويندو. انسٽاگرام موجب هن فيچر جو مقصد صارفين کي پنهنجي پروفائل کي وڌيڪ منظم ۽ دلڪش بڻائڻ لاءِ وڌيڪ ڪنٽرول فراهم ڪرڻ آهي.
