انٽارڪٽيڪا هڪ اهڙو براعظم آهي جتي اڃا تائين ڪيترائي راز لڪل آهن، پر هاڻي سائنسدانن هڪ نئين دريافت ڪئي آهي۔ جرمن پولر ريسرچ سينٽر “الفريڊ ويگينر انسٽيٽيوٽ” جي محققن هڪ اهڙو ننڍڙو ٻيٽ دريافت ڪيو آهي جنهن کي اڳ ۾ “ڊينجر زون” چيو ويندو هو ۽ هاڻي ان جو پهريون دفعو نقشو تيار ڪيو ويو آهي۔ هي ٻيٽ اتر اولهه بحري ودل ۾ هڪ مہم دوران سامهون آيو، جڏهن خراب موسم سبب ٽيم کي روڪڻو پيو ۽ انهن ويجهي ٻيٽ ۾ پناهه ورتي۔ محققن موجب شروع ۾ اهو هڪ برفاني ٽڪرو لڳو، پر ويجهي مشاهدي بعد واضح ٿيو ته اهو هڪ پٿريلو ٻيٽ آهي۔ جديد اوزارن ۽ ڊرون تصويرنگ ذريعي تصديق ڪئي وئي ته اهو هڪ ننڍڙو ٻيٽ آهي، جيڪو تقريباً 426 فٽ ڊگهو ۽ 164 فٽ ويڪرو آهي ۽ پاڻي کان 16 ميٽر مٿي آهي۔ سائنسدانن جو چوڻ آهي ته اڃا تائين اهو واضح ناهي ته هن علائقي کي خطرناڪ زون ڇو قرار ڏنو ويو هو، ۽ ان جو باقاعده نالو به اڃا مقرر نه ٿيو آهي۔