اڳوڻي ايم ڊي پيپڪو ۽ توانائي جي ماهر طاهر بشارت چيما چيو آهي ته مهانگائي جي اصل جڙ مهانگي ترين بجلي آهي.
جيو نيوز سان ڳالهائيندي طاهر بشارت چيما چيو ته مهانگي ترين بجلي معيشت کي تباهي جي ڪناري تي آڻي بيهاريو آهي ۽ ملڪ ۾ مهانگائي جو بنيادي سبب به مهانگي بجلي ئي آهي.
هن چيو ته مهانگي بجلي جو وڏو سبب آءِ پي پيز سان ٿيل خراب معاهدا آهن، جڏهن ته فڪسڊ چارجز ۽ ٻين ٽيڪسن کي ختم ڪرڻ جي ضرورت آهي ته جيئن عوام کي رليف ملي سگهي.
