اسلام آباد: حڪومت پيٽروليم شين جي اگهن ۾ گهٽتائي جو اعلان ڪري ڇڏيو آهي. پيٽروليم ڊويزن موجب پيٽرول جي في ليٽر قيمت ۾ 1 رپيو 97 پئسا گهٽتائي بعد نئين قيمت 297 رپيا 53 پئسا في ليٽر مقرر ڪئي وئي آهي، جڏهن ته ڊيزل جي في ليٽر قيمت ۾ به ساڳي مقدار جي گهٽتائي کانپوءِ نئين قيمت 309 رپيا 50 پئسا في ليٽر ٿي وئي آهي. نيون قيمتون رات 12 وڳي کان لاڳو ٿي ويون آهن.

ٻئي طرف حڪومت پيٽرول تي پيٽروليم ليوي ۾ 6 رپيا 22 پئسا في ليٽر واڌ ڪئي آهي، جنهن کانپوءِ پيٽرول تي ليوي 64 رپيا 14 پئسا مان وڌائي 70 رپيا 36 پئسا في ليٽر ڪئي وئي آهي. جڏهن ته ڊيزل تي ليوي 6 رپيا 22 پئسا في ليٽر گهٽائي 77 رپيا 4 پئسا مان 70 رپيا 82 پئسا في ليٽر مقرر ڪئي وئي آهي. مٽي جي تيل تي ليوي 20 رپيا 36 پئسا في ليٽر برقرار رکي وئي آهي.