اسلام آباد: گذريل مالي سال 2025-26 دوران فيڊرل بورڊ آف روينيو (ايف بي آر) مجموعي طور 13,010 ارب رپيا ٽيڪس گڏ ڪيو، جنهن ۾ سڀ کان وڏو حصو تنخواهه دار طبقي جو رهيو. عبوري انگن اکرن موجب، تنخواهه دار ملازمن پنهنجي پگهارن مان سڌو سنئون 633 ارب رپيا انڪم ٽيڪس ادا ڪيو، جيڪو ايڪسپورٽرن، رئيل اسٽيٽ وارن ۽ ريٽيل شعبي جي گڏيل ٽيڪس کان به وڌيڪ آهي.

ايف بي آر موجب، گذريل مالي سال دوران ايڪسپورٽرن کان 174 ارب رپيا، رئيل اسٽيٽ جي وڪرو ڪندڙن کان 191 ارب رپيا، خريدارن کان 87 ارب رپيا، جڏهن ته ريٽيل شعبي کان وِدهولڊنگ ٽيڪس جي مد ۾ لڳ ڀڳ 70 ارب رپيا وصول ڪيا ويا. نئين مالي سال ۾ تنخواهه دار طبقي ۽ ايڪسپورٽرن کي ٽيڪس ۾ رليف ڏيڻ جو فيصلو پڻ ڪيو ويو آهي، جڏهن ته ٽيڪس آفيسرن ۽ شهرين جي سڌي رابطي کي گهٽائڻ لاءِ به قدم کنيا پيا وڃن.

ايف بي آر نئين مالي سال لاءِ ٽيڪس وصولين جو هدف 15,264 ارب رپيا مقرر ڪيو آهي. اختيارين جو چوڻ آهي ته ٽيڪس نظام کي وڌيڪ شفاف ۽ جديد بڻائڻ سان گڏ آمدني وڌائڻ تي به ڌيان ڏنو ويندو.