لاهور: پنجاب روينيو اٿارٽي مالي سال 26-2025 دوران پنهنجي تاريخ ۾ سڀ کان وڌيڪ 367 ارب رپين کان وڌيڪ ٽيڪس وصول ڪري نئون رڪارڊ قائم ڪيو آهي.

پنجاب روينيو اٿارٽي جي ترجمان موجب، مالي سال 24-2025 ۾ اداري 270 ارب رپيا ٽيڪس گڏ ڪيو هو، جڏهن ته مالي سال 26-2025 ۾ گذريل مالي سال جي ڀيٽ ۾ 97 ارب رپيا وڌيڪ وصول ڪري 36 سيڪڙو واڌ جي شرح رڪارڊ ڪئي وئي.

پي آر اي جي چيئرمين معظم اقبال سپرا چيو ته جون مهيني دوران 48 ارب رپين کان وڌيڪ ٽيڪس وصول ڪري مالي سال جو اختتام مثالي ڪارڪردگي سان ڪيو ويو.

چيئرمين پي آر اي موجب، اداري جي قيام کانپوءِ هي سڀ کان وڏي ٽيڪس وصولي آهي، جڏهن ته حڪومت مالي سال 27-2026 لاءِ پنجاب روينيو اٿارٽي کي 528 ارب رپين جي ٽيڪس وصولي جو هدف ڏنو آهي.