ملڪ ۾ اٽي جي قيمتن ۾ هڪ ڀيرو ٻيهر واڌ رڪارڊ ڪئي وئي آهي، جنهن سبب عام شهرين جي مالي مشڪلاتن ۾ اضافو ٿي رهيو آهي. شماريات اداري جي دستاويزن موجب 20 ڪلو اٽي جي ٿيلهي جي وڌ ۾ وڌ قيمت 2800 رپين تائين پهچي وئي آهي. ڪراچي ملڪ جو سڀ کان مهانگو شهر بڻجي ويو آهي جتي شهري 20 ڪلو اٽي جي ٿيلهي لاءِ 2800 رپيا ادا ڪرڻ تي مجبور آهن. پشاور ۾ اٽي جي ٿيلهي جي قيمت 2750 رپيا، اسلام آباد ۾ 2733 رپيا، راولپنڊي ۾ 2707 رپيا، جڏهن ته ڪوئيٽا ۽ بنون ۾ 2700 رپيا تائين پهچي چڪي آهي.
دستاويزن موجب حيدرآباد ۾ 20 ڪلو اٽي جي ٿيلهي جي قيمت 2600 رپيا، خضدار ۽ لاڙڪاڻي ۾ 2400 رپيا، فيصل آباد ۾ 2350 رپيا، گوجرانوالا ۾ 2333 رپيا ۽ ملتان ۾ 2267 رپيا ٿي وئي آهي. لاهور ۾ به اٽي جي 20 ڪلو ٿيلهي 2250 رپين ۾ وڪرو ٿي رهي آهي. اٽي جي قيمتن ۾ مسلسل واڌ سبب عوام ۾ ڳڻتي وڌي رهي آهي ۽ شهري حڪومت کان روزمرهه جي استعمال وارين شين جي قيمتن کي ڪنٽرول ڪرڻ جو مطالبو ڪري رهيا آهن.
