او جي ڊي سي ايل طرفان سنڌ جي ضلعي سانگهڙ ۾ تيل ۽ گئس جو نئون ذخيرو دريافت ڪيو ويو آهي. ڪمپني جي ترجمان موجب بوبی ڊيپ ون کوهه مان روزانو لڳ ڀڳ 2,000 بيرل تيل ۽ 1.1 ايم ايم سي ايف ڊي گئس حاصل ٿي رهي آهي. ترجمان جو چوڻ آهي ته هن نئين دريافت سان علائقي ۾ وڌيڪ ڳولا جا امڪان وڌي ويا آهن. ان سان ملڪ جي تيل ۽ گئس جي پيداوار ۾ اضافو ٿيندو ۽ درآمدي ايندھن تي دارومدار گهٽائڻ ۾ مدد ملندي. گڏوگڏ ملڪ جي امپورٽ بل ۾ به گهٽتائي جي اميد ظاهر ڪئي پئي وڃي.
