آمريڪا سان معاهدي کان پوءِ ايراني ريال جي قدر ۾ نمايان بهتري ڏسڻ ۾ آئي آهي، جنهن سبب ڪرنسي مارڪيٽ ۾ ايراني ريال جي طلب ۾ به واڌ رڪارڊ ڪئي وئي آهي.
رپورٽن موجب هڪ ڪروڙ ايراني ريال جي ماليت ۾ هڪ ئي ڏينهن اندر 1500 رپين جو اضافو ٿيو آهي، جنهن کان پوءِ مارڪيٽ ۾ هڪ ڪروڙ ايراني ريال جي قيمت 4000 رپيا ٿي وئي آهي.
ايڪسچينج ڪمپنين جي ايسوسيئيشن موجب معاهدي کان پوءِ پهرين ئي ڏينهن 25 ارب ايراني ريال جي خريد و فروخت رڪارڊ ڪئي وئي، جيڪا مارڪيٽ ۾ غيرمعمولي سرگرمي سمجهي پئي وڃي.
ايسوسيئيشن جي چيئرمين ملڪ بوستان جو چوڻ آهي ته اڄ به ايراني ريال جي طلب ۾ نمايان اضافو ڏسڻ ۾ اچي رهيو آهي، جڏهن ته واپاري حلقا به ڪرنسي جي مستقبل بابت پراميد نظر اچي رهيا آهن.
