اسلام آباد: رواں مالی سال میں موبائل فونز کی درآمدات میں مزید اضافہ ریکارڈ کیا گیا ہے۔ سرکاری دستاویز کے مطابق پاکستان نے 10 ماہ کے دوران 455 ارب 73 کروڑ روپے کے موبائل فونز درآمد کیے، جس دوران موبائل فونز کی درآمدات میں 30.29 فیصد اضافہ ہوا۔ اپریل 2026 میں سالانہ بنیادوں پر درآمدات 40.71 فیصد بڑھیں جبکہ ماہانہ بنیادوں پر اپریل میں 18.70 فیصد اضافہ دیکھا گیا۔ جولائی 2025 سے اپریل 2026 تک مجموعی درآمدات 455 ارب 73 کروڑ روپے رہیں، جو گزشتہ سال اسی مدت میں 349 ارب 77 کروڑ روپے تھیں۔ اپریل میں پاکستان نے 49 ارب 41 کروڑ 50 لاکھ روپے کے موبائل فونز درآمد کیے، جبکہ مارچ 2026 میں یہ رقم 41 ارب 63 کروڑ روپے تھی اور اپریل 2025 میں 35 ارب 12 کروڑ روپے کے فونز درآمد کیے گئے تھے۔