بلوچستان جي علائقي ژوب ۾ هڪ مسافر بس جا بريڪ فيل ٿيڻ سبب کاهي ۾ ڪري پئي، جنهن جي نتيجي ۾ عورتن ۽ ٻارن سميت 24 ڄڻا فوت ۽ 14 زخمي ٿي پيا.
پوليس موجب حادثو ژوب جي داناسر واري علائقي ۾ پيش آيو، جتي بس بي قابو ٿي کاهي ۾ ڪري پئي.
پوليس جو چوڻ آهي ته حادثو بس جا بريڪ فيل ٿيڻ سبب پيش آيو، جڏهن ته زخمين ۾ عورتون ۽ ٻار پڻ شامل آهن، جن کي علاج لاءِ ڊي ايڇ ڪيو اسپتال منتقل ڪيو پيو وڃي.
ريسڪيو اختيارين موجب حادثي جو شڪار ٿيل بس ڪوئيٽا کان پشاور وڃي رهي هئي.
