اسلام آباد: وفاقي ڪابينا پاڪستان ايگريڪلچرل اسٽوريج اينڊ سروسز ڪارپوريشن لميٽيڊ (پاسڪو) کي ڊسمبر تائين ختم ڪرڻ جي منظوري ڏئي ڇڏي آهي. ذريعن موجب وفاقي ڪابينا پاسڪو جي ملازمن لاءِ پيڪيج جي به منظوري ڏئي ڇڏي آهي، جنهن تحت ملازمن لاءِ 4 ارب 18 ڪروڙ رپين جو پيڪيج منظور ڪيو ويو آهي. ذريعن جو چوڻ آهي ته پاسڪو جي ريگيولر ملازمن جو انگ لڳ ڀڳ 1100 آهي، جڏهن ته ٻوڏ کان متاثر ٿيل ڪڻڪ جا ذخيرا به نيلام ڪيا ويندا.
