وينزويلا جي عبوري صدر روڊريگيز چيو آهي ته ملڪ ۾ آيل زلزلن سبب فوتين جو انگ 2,600 تائين پهچي ويو آهي.
صدر روڊريگيز موجب لاگويرا رياست ۾ لڳ ڀڳ سڀئي سرڪاري اهلڪار زلزلن ۾ حياتيون وڃائي ويٺا، جڏهن ته زلزلي سبب 189 عمارتون مڪمل طور تباهه ٿي ويون.
هن چيو ته سرچ اينڊ ريسڪيو آپريشن اڃا جاري آهي ۽ امدادي ڪارروايون بند نه ڪيون ويون آهن. هن وڌيڪ ٻڌايو ته آءِ ايم ايف (IMF) سان گڏجي 20 ڪروڙ ڊالرن جو تعمير نو فنڊ قائم ڪيو پيو وڃي.
عبوري صدر موجب آءِ ايم ايف ۽ عالمي بينڪ وينزويلا کي مالي امداد ۽ قرض جي آڇ ڪئي آهي، جڏهن ته آءِ ايم ايف مان جاري ٿيندڙ رقم زلزلي متاثرن جي گهرن جي ٻيهر تعمير لاءِ استعمال ڪئي ويندي.
واضح رهي ته وينزويلا ۾ آيل زلزلي سبب زخمين جو انگ 11 هزار تائين پهچي چڪو آهي، جڏهن ته 43 هزار کان وڌيڪ ماڻهو اڃا تائين لاپتا آهن. گڏيل قومن موجب زلزلي کان متاثر ماڻهن جو انگ 68 لک تائين پهچي سگهي ٿو.
