اڳوڻي آسٽريلوي ڪرڪيٽر اسٽيورٽ ميڪگل کي منشيات واري ڪيس ۾ ضمانت حاصل ڪرڻ ۾ ناڪامي جو منهن ڏسڻو پيو آهي.

آسٽريلوي ميڊيا موجب، اڳوڻي ليگ اسپنر اسٽيورٽ ميڪگل کي 2025ع ۾ منشيات واري ڪيس ۾ سزا ٻڌائي وئي هئي. عدالت کيس هڪ سال ۽ ڏهه مهينن جي قيد سان گڏ 495 ڏينهن ڪميونٽي سروس ڪرڻ جو حڪم پڻ ڏنو هو.

سابق ڪرڪيٽر نيو سائوٿ ويلز جي ڪرمنل ڪورٽ ۾ ضمانت لاءِ اپيل داخل ڪئي هئي، پر عدالت اها اپيل رد ڪري ڇڏي.

اسٽيورٽ ميڪگل تي منشيات جي ڊيل دوران پئسن جي ڏي وٺ واري معاملي ۾ سزا لاڳو ڪئي وئي آهي، جڏهن ته هن پنهنجي موقف ۾ چيو هو ته کيس اهڙي ڪنهن به ڊيل بابت ڪا ڄاڻ نه هئي.

ياد رهي ته اسٽيورٽ ميڪگل 1998ع کان 2008ع تائين آسٽريليا جي نمائندگي ڪندي 44 ٽيسٽ ميچون کيڏيون هيون.