رياض: سعودي عرب پاڪستان سميت 7 ملڪن جي شهرين لاءِ سياحتي پيڪيج ويزا جاري ڪرڻ جو اعلان ڪري ڇڏيو آهي.

سعودي سياحت واري وزير احمد الخطيب موجب، ويزن 2030 جي شروعات کان پوءِ سعودي عرب سياحن جي سفر کي وڌيڪ آسان بڻائڻ لاءِ ڪيترائي قدم کنيا آهن، جن ۾ اليڪٽرانڪ سياحتي ويزا، آمد تي ويزا (Visa on Arrival) ۽ ٽرانزٽ ويزا جون سهولتون شامل آهن.

سعودي وزارتِ سياحت موجب هاڻي آزمائشي بنيادن تي سياحتي پيڪيج ويزا جي نئين سهولت پڻ متعارف ڪرائي وئي آهي، جيڪا في الحال پاڪستان، ميڪسيڪو، انڊونيشيا ۽ مصر جي شهرين لاءِ دستياب آهي.

وزارت موجب اها سهولت ڀارت، بنگلاديش ۽ اردن جي شهرين لاءِ پڻ موجود آهي، جڏهن ته سياحتي پيڪيج خريد ڪرڻ کان پوءِ وڌ ۾ وڌ 48 ڪلاڪن اندر ويزا جاري ڪيو ويندو.