گڏيل قومن جي عالمي موسمياتي اداري اڳڪٿي ڪئي آهي ته ايندڙ ڪجهه مهينن دوران طاقتور ايل نينو سسٽم وڌيڪ سرگرم ٿيندو، جنهن سبب دنيا جي گرمي پد ۾ نمايان واڌ ٿيڻ جو امڪان آهي. اداري خبردار ڪيو آهي ته ايل نينو جا اثر 2027ع تائين دنيا جي مختلف علائقن ۾ محسوس ڪيا ويندا.

يورپ ۾ تازين ٻن سخت هيٽ ويوز دوران شديد گرمي سبب فرانس، بيلجيم ۽ نيدرلينڊز ۾ 3 هزار 700 کان وڌيڪ ماڻهو فوت ٿي چڪا آهن. انگن اکرن موجب فرانس ۾ 2 هزار 25، بيلجيم ۾ 1 هزار 200 ۽ نيدرلينڊز ۾ 480 اموات رڪارڊ ٿيون آهن، جڏهن ته اختيارين وڌيڪ جاني نقصان جو به خدشو ظاهر ڪيو آهي.

ان کان علاوه اسپين ۾ به سخت گرمي جي لهر سبب سوين ماڻهو حياتيون وڃائي ويٺا آهن، جڏهن ته ماهرن عالمي سطح تي وڌندڙ گرمي ۽ موسمياتي تبديلي جي اثرن بابت وڌيڪ احتياط ڪرڻ تي زور ڏنو آهي.