بالي ووڊ اداڪارا ڪاجول، مسٽر پرفيڪشنسٽ عامر خان جي ٽئين شادي بابت دلچسپ تبصرو ڪندي چيو آهي ته عامر خان کي فلمن سان گڏ عورتن جي چونڊ جو به بهترين سليقو حاصل آهي.

عامر خان جي بلاڪ بسٽر فلم "لگان" جي رليز کي 25 سال مڪمل ٿيڻ جي موقعي تي منعقد ڪيل تقريب دوران ڪاجول مزاحيه انداز ۾ چيو ته هڪ ڳالهه پڪ سان چئي سگهجي ٿي ته عامر خان پنهنجي فلمن جي چونڊ ۾ شاندار ذوق رکي ٿو، جنهن جو آغاز "لگان" کان ٿيو ۽ اڄ تائين جاري آهي.

ڪاجول وڌيڪ چيو ته فلمن سان گڏ عورتن جي چونڊ جي معاملي ۾ به عامر خان جو ذوق تمام سٺو آهي، جنهن تي تقريب ۾ موجود مهمانن کل ۽ تاڙيون وڄائي سندس ڳالهه کي ساراهيو.

ان موقعي تي اسٽيج تي موجود جوهي چاولا پڻ مزاحيه انداز اختيار ڪندي چيو ته وٽس عامر خان بابت چوڻ لاءِ گهڻو ڪجهه آهي، پر جيڪڏهن هوءَ ڳالهائڻ شروع ڪري ته سڄي شام عامر خان جي ڳالهين ۾ گذري ويندي. سندس چوڻ هو ته هوءَ عامر خان کي ان وقت کان سڃاڻي ٿي جڏهن هو صرف "اي ڪي" جي نالي سان سڃاتو ويندو هو، ۽ اڄ هو وڏي ڪاميابي حاصل ڪري چڪو آهي.

واضح رهي ته عامر خان ۽ گوري اسپريٽ 5 جولاءِ تي شادي جي بندھن ۾ ٻڌجڻ وارا آهن.