پاڪستاني اداڪار آغا علي چيو آهي ته جڏهن به هو ٻيهر شادي ڪندو ته ان جو فخر سان اعلان ڪندو.

پاڪستان شوبز انڊسٽري سان تعلق رکندڙ اداڪار آغا علي تازو هڪ نجي ٽي وي کي ڏنل انٽرويو ۾ پنهنجي ذاتي زندگي، شوبز انڊسٽري ۽ ٻين مختلف معاملن تي کلي ڳالهه ٻولهه ڪئي.

انٽرويو دوران ميزبان جڏهن کانئس سوشل ميڊيا تي ذاتي زندگي شيئر ڪرڻ بابت سوال ڪيو ته آغا علي چيو ته هو پنهنجي ڪنهن به رشتو عوام آڏو آڻڻ جي حق ۾ ناهي، ڇو ته اهڙي رشتي ۾ صرف هڪ شخص نه پر ٻيو فرد به شامل هوندو آهي، تنهنڪري ٻنهي جي رازداري جو احترام ٿيڻ گهرجي.

هن چيو ته منهنجي خيال ۾ شادي کان اڳ اهڙيون ڳالهيون ظاهر نه ڪرڻ گهرجن، البت جڏهن به منهنجي شادي ٿيندي ته مان ان جو فخر سان اعلان ضرور ڪندس.

آغا علي وڌيڪ چيو ته ڪنهن به رشتي جي ڪابه ضمانت نه هوندي آهي، اهو معلوم ناهي هوندو ته اهو مستقبل ۾ هلي سگهندو يا نه. هن چيو ته جيئن جيئن وقت گذري رهيو آهي، ماڻهن ۾ مايوسي وڌي رهي آهي ۽ بيروزگاري به وڌي رهي آهي، جنهن سبب ڪيترن ئي ماڻهن سوشل ميڊيا کي ٻين بابت بي بنياد ڳالهيون ڪرڻ ۽ ان مان پئسا ڪمائڻ جو ذريعو بڻائي ڇڏيو آهي.

واضح رهي ته آغا علي ۽ اداڪارا حنا الطاف جي شادي 2020ع ۾ ٿي هئي، جيڪا لڳ ڀڳ چار سال هلڻ کان پوءِ ختم ٿي وئي.