اداکارہ ۽ ماڊل زينب رضا کي ڊرامي ۾ بولڊ ڊريسنگ ڪرڻ تي مداحن جي طرفان سخت تنقيد جو سامنو ڪرڻو پيو آهي.
تفصيلن موجب زينب رضا جي ڊرامي ’رحمت‘ ۾ جتي سندس اداڪاري کي ساراهيو پيو وڃي، اتي ئي تازي قسط ۾ سندس لباس سوشل ميڊيا تي بحث جو موضوع بڻجي ويو آهي.
ڊرامي جي هڪ منظر ۾ زينب رضا جامني رنگ جي ساڙي پاتل نظر آئي، جنهن سان پاتل بلاؤز کي ڪيترن ناظرين طرفان غير معمولي طور تي بولڊ قرار ڏنو ويو.
جيتوڻيڪ منظر کي ايڊيٽنگ ذريعي محدود ڪرڻ جي ڪوشش ڪئي وئي، پر لباس جي انداز سوشل ميڊيا استعمال ڪندڙن جي توجهه پنهنجي طرف ڇڪي ورتي.
واقعي کانپوءِ مختلف صارفين پنهنجا ردعمل ڏيندي ڊرامن ۾ ملبوسات جي چونڊ تي سوال اٿاريا.
ڪجهه ماڻهن چيو ته قومي ٽيليويزن تي نشر ٿيندڙ پروگرامن ۾ لباس جي چونڊ ۾ وڌيڪ احتياط ڪرڻ گهرجي، جڏهن ته ڪجهه ماڻهن هدايتڪار ۽ پروڊڪشن ٽيم جي فيصلي تي به تنقيد ڪئي.
