سوات: سيف الله ڍنڍ ۾ سياحن سان ڀريل ٻيڙي اونڌي ٿيڻ واري افسوسناڪ واقعي کانپوءِ پوليس ٻيڙي هلائيندڙ کي گرفتار ڪري مٿس ڪيس داخل ڪري ڇڏيو آهي.

پوليس موجب ٻيڙي هلائيندڙ خلاف قانوني ڪارروائي شروع ڪئي وئي آهي، جڏهن ته ريسڪيو اختيارين ٻڌايو آهي ته ڍنڍ ۾ گم ٿيل ڇوڪري جي ڳولا لاءِ چوٿين ڏينهن به سرچ آپريشن جاري آهي.

ريسكيو اختيارين موجب ٻيڙي اونڌي ٿيڻ سبب 6 ڄڻا فوت ٿي ويا، جڏهن ته 2 ڄڻن کي زنده بچايو ويو. فوتين ۽ متاثرن جو تعلق لاهور جي هڪ ئي خاندان سان هو، جيڪي تفريح لاءِ سوات آيا هئا. ٻيڙي ۾ مجموعي طور 9 ماڻهو سوار هئا.