اڄ اسان توهان کي هڪ اهڙي دلچسپ ۽ ٿورو حيران ڪندڙ تحقيق بابت ٻڌائڻ وارا آهيون، جيڪا توهان جي روزمره جي زندگي سان سڌو تعلق رکي ٿي.
مڇر دنيا جا سڀ کان خطرناڪ جاندار سمجهيا وڃن ٿا، ڇو ته اهي هر سال لکين ماڻهن ۾ مختلف بيماريون پکيڙين ٿا. پر مسئلو اهو آهي ته روزمره جي زندگي ۾ انهن کان بچڻ هميشه آسان ناهي هوندو.
هاڻي هڪ نئين تحقيق ۾ هڪ حيرت انگيز ڳالهه سامهون آئي آهي ته دنيا ۾ تمام گهڻو کائو ويندڙ هڪ عام ميوو توهان کي مڇرن لاءِ وڌيڪ پرڪشش بڻائي سگهي ٿو.
ها، ڪيلا (Banana) اهڙو ميوو آهي جيڪو کائڻ کان پوءِ ڪجهه ماڻهن کي مڇرن لاءِ وڌيڪ پسنديده هدف بڻائي سگهي ٿو. ان سان گڏ انگور به ڪجهه حد تائين اهڙو اثر رکن ٿا.
ماهرن موجب مڇر انسان کي صرف ڏسڻ سان نه پر ساهه مان نڪرندڙ ڪاربان ڊاءِ آڪسائيڊ ۽ جسم جي بو کي سڃاڻي پنهنجو هدف چونڊين ٿا. ان ۾ توهان جي خوراڪ به اهم ڪردار ادا ڪري ٿي.
تحقيق ۾ اهو به ٻڌايو ويو آهي ته ڪجهه خاص رنگ به مڇرن کي وڌيڪ متوجه ڪن ٿا. خاص طور تي سرخ، نارنگي ۽ ڪارو رنگ مڇرن کي وڌيڪ پسند ايندا آهن، جڏهن ته نيرو، سائو، اڇو ۽ بنفشي رنگ مڇرن کي گهٽ ڇڪين ٿا.
ماهرن جو اهو به چوڻ آهي ته مڇر گہرن رنگن ڏانهن وڌيڪ وڃن ٿا، ڇو ته اهي گرمي کي وڌيڪ محسوس ڪن ٿا.
يعني سادي ڳالهه اها آهي ته توهان جو کاڌو ۽ توهان جا ڪپڙن جا رنگ ٻنهي مڇرن کان بچڻ يا انهن کي ڇڪڻ ۾ اهم ڪردار ادا ڪن ٿا.
تنهنڪري ايندڙ ڀيري جڏهن توهان ٻاهر وڃو، ته نه صرف اسپري يا احتياط جو خيال رکو، پر پنهنجي خوراڪ ۽ لباس جي رنگن تي به ضرور ڌيان ڏيو، ڇو ته ننڍيون ننڍيون شيون به توهان کي مڇرن کان بچائي يا انهن جي نشانو بڻائي سگهن ٿيون.
