ايبولا جي ڪيسن ۾ واڌ سبب ڪانگو ۽ يوگنڊا ۾ صورتحال وڌيڪ ڳڻتي جوڳي بڻجي وئي آهي، جنهن کان پوءِ پاڪستان حڪومت ملڪ جي سڀني ايئرپورٽن تي نگراني وڌيڪ سخت ڪري ڇڏي آهي۔
ورلڊ هيلٿ آرگنائيزيشن طرفان هن صورتحال کي عالمي ايمرجنسي قرار ڏنو ويو آهي، جڏهن ته اداري موجب هن وقت تائين آفريڪا کان ٻاهر ڪنهن به ملڪ ۾ ايبولا جو ڪو به ڪيس رپورٽ ناهي ٿيو۔
وزارت صحت پاڪستان جي ترجمان چيو آهي ته ايبولا وائرس جو پکيڙ في الحال صرف متاثر افريقي ملڪن تائين محدود آهي، ۽ پاڪستان ۾ خطرو انتهائي گهٽ آهي ڇو ته انهن ملڪن سان محدود سفري رابطا آهن۔
ترجمان وڌيڪ چيو ته پاڪستان ۽ پاڙيسري ملڪن ۾ ڪڏهن به ايبولا جو ڪو ڪيس رپورٽ ناهي ٿيو، جڏهن ته صورتحال کي مسلسل مانيٽر ڪيو پيو وڃي۔
نیشنل انسٹی ٹیوٹ آف ہیلتھ پڻ صورتحال تي نظر رکي رهيو آهي ۽ ايئرپورٽن تي اسڪريننگ سسٽم کي وڌيڪ مؤثر بڻايو ويو آهي۔
ورلڊ هيلٿ آرگنائيزيشن طرفان احتياطي نگراني وڌائڻ جي هدايت ڏني وئي آهي، جڏهن ته ڪنهن به قسم جي سفري پابندين جي سفارش نه ڪئي وئي آهي۔
ترجمان چيو آهي ته وزير صحت طرفان اڳواٽ حفاظتي قدم کنيا ويا آهن ته جيئن عوام کي وبائن کان محفوظ رکيو وڃي، ۽ عالمي صحت ضابطن (International Health Regulations) تي مڪمل عمل ڪيو پيو وڃي۔
