ڪراچي: سنڌ هاءِ ڪورٽ پيٽروليم شين جي قيمتون طئي ڪرڻ واري طريقيڪار خلاف داخل ڪيل درخواست ناقابلِ سماعت قرار ڏيندي رد ڪري ڇڏي.

سنڌ هاءِ ڪورٽ جي آئيني بينچ پيٽروليم شين جي قيمتن جي مقرر ڪرڻ واري طريقيڪار خلاف درخواست تي ٻڌڻي ڪئي، جنهن دوران عدالت درخواست کي ناقابلِ سماعت قرار ڏئي رد ڪرڻ جو حڪم ڏنو.

عدالت پنهنجي فيصلي ۾ چيو ته پيٽروليم شين جي قيمتن ۽ انهن تي لاڳو ٽيڪسن جو تعين ڪرڻ حڪومت ۽ پارليامينٽ جو آئيني اختيار آهي.

عدالت وڌيڪ چيو ته معاشي ۽ مالي پاليسيون جوڙڻ حڪومت جي ذميواري آهي، جڏهن ته درخواستگذار ڪنهن به بنيادي حق جي ڀڃڪڙي ثابت ڪرڻ ۾ ناڪام رهيو آهي.

عدالت واضح ڪيو ته صرف پيٽروليم شين جي قيمتن بابت عدم اطمينان آئيني درخواست داخل ڪرڻ لاءِ ڪافي جواز نٿو بڻجي.