عيد جي ٽنهي ڏينهن الٽي، دست ۽ پيٽ جي سور جي شڪايتن سان مريضن جو سرڪاري اسپتالن ۾ وڏو رش ڏسڻ ۾ آيو۔

سول اسپتال جي ايمرجنسي انچارج ڊاڪٽر عمران موجب عيد جي ٻئي ڏينهن 100 کان وڌيڪ مريض الٽي ۽ پيٽ جي سور جي شڪايتن سان سول اسپتال پهتا، جڏهن ته عيد جي ٽئين ڏينهن به معدي جي بيمارين ۾ مبتلا 100 کان وڌيڪ مريض آيا۔

ٻئي طرف جناح اسپتال ۾ به عيد جي پهرين ڏينهن پيٽ جي بيمارين ۾ مبتلا 50 کان وڌيڪ مريض داخل ٿيا۔

سول اسپتال جي ايمرجنسي انچارج عرفان صديقي ٻڌايو ته وڌيڪ گوشت کائڻ، گهٽ پاڻي پيئڻ ۽ غير متوازن خوراڪ سبب الٽي، دست ۽ بدهضمي جون شڪايتون وڌي ويون آهن۔

طبي ماهرن جو چوڻ آهي ته گوشت سان گڏ ڀاڄين ۽ پاڻي جو گهٽ استعمال هاضمي تي دٻاءُ وجهي سگهي ٿو، جڏهن ته گوشت سان سلاد، ڀاڄيون ۽ وڌيڪ پاڻي استعمال ڪرڻ سان معدي جي مسئلن کان بچي سگهجي ٿو۔

طبي ماهرن شهرين کي هدايت ڪئي آهي ته هڪ ئي وقت وڌيڪ مقدار ۾ گوشت کائڻ کان پاسو ڪيو وڃي۔