ڪراچي: ايندڙ 24 ڪلاڪن دوران شهر ۾ موسم مرطوب رهڻ، آسمان جزوي طور ابرآلود رهڻ ۽ صبح ۽ رات جي وقت ڪجهه هنڌن تي هلڪي بونداباندي جو امڪان آهي.

موسميات کاتي موجب، ايندڙ 24 ڪلاڪن دوران شهر ۾ موسم مرطوب ۽ آسمان جزوي طور ابرآلود رهڻ جو امڪان آهي.

موسميات کاتي ٻڌايو ته شهر جو گهٽ ۾ گهٽ گرمي پد 29.1 ڊگري سينٽي گريڊ جڏهن ته وڌ ۾ وڌ گرمي پد 33 کان 35 ڊگري سينٽي گريڊ تائين رهي سگهي ٿو.

ان کان علاوه هوا ۾ نمي جو تناسب 78 سيڪڙو آهي، جڏهن ته سامونڊي هوائون 18 ڪلوميٽر في ڪلاڪ جي رفتار سان هلي رهيون آهن.

موسميات کاتي موجب، شهر ۾ صبح ۽ رات جي وقت ڪجهه هنڌن تي هلڪي بونداباندي جو به امڪان آهي، جڏهن ته تيز هوائون پڻ هلنديون رهنديون.