آمريڪي اخبار نيويارڪ ٽائمز پنهنجي تجزياتي رپورٽ ۾ دعويٰ ڪئي آهي ته آمريڪا جي لڳ ڀڳ چئن مهينن تي ٻڌل مهم باوجود ايران جو جوهري پروگرام مڪمل طور ختم نه ٿي سگهيو آهي.
رپورٽ موجب جنگ کان پوءِ به ايران جو بيلسٽڪ ميزائل پروگرام برقرار رهيو، جڏهن ته ايران جا علائقائي اتحادي اڃا تائين سرگرم آهن ۽ ملڪ جو سياسي نظام به پنهنجي جاءِ تي قائم آهي.
نيويارڪ ٽائمز موجب جنگ ۽ تازي معاهدي باوجود وچ اوڀر جي مجموعي صورتحال ۾ ڪا وڏي تبديلي سامهون نه آئي آهي. ياد رهي ته آمريڪي صدر فيبروري ۾ ايران خلاف فوجي ڪارروائي کي خطي ۾ وڏي تبديلي آڻڻ ۽ ايران مان پيدا ٿيندڙ خطرن جي خاتمي جي ڪوشش قرار ڏنو هو.
رپورٽ ۾ چيو ويو آهي ته نئين معاهدي سان ايران کي اهم معاشي فائدا حاصل ٿي سگهن ٿا، جيڪي ملڪ جي معيشت لاءِ مددگار ثابت ٿي سگهن ٿا.
ماهرن جو چوڻ آهي ته هي معاهدو آمريڪا جي فوجي برتري کان وڌيڪ تڪرار کي وڌائڻ کان بچڻ ۽ سفارتي حل طرف وڌڻ جي عڪاسي ڪري ٿو.
