جاپاني فٽبال مداحن هڪ ڀيرو ٻيهر دنيا کي پنهنجي نظم و ضبط ۽ صفائي واري روايت سان متاثر ڪري ڇڏيو آهي. فيفا ورلڊڪپ 2026 دوران ڊيلاس اسٽيڊيم (آرلنگٽن) ۾ نيدرلينڊز خلاف ميچ کان پوءِ به جاپاني شائقين اسٽيڊيم جي صفائي ڪندي نظر آيا، جنهن سان انهن پنهنجي عالمي سڃاڻپ کي وڌيڪ مضبوط ڪيو.

جاپاني مداح ڊگهي عرصي کان فٽبال ميچن کان پوءِ اسٽيڊيم صاف ڪرڻ لاءِ مشهور آهن. هن روايت کي هو صرف صفائي نه پر هڪ ثقافتي ذميواري سمجهن ٿا، جنهن تحت هو ميزبان ملڪ، رانديگرن ۽ ٻين شائقين جو احترام ظاهر ڪن ٿا.

مداحن ميڊيا سان ڳالهائيندي چيو ته ميچ کان پوءِ اسٽيڊيم صاف ڪرڻ انهن جي ثقافت جو حصو آهي ۽ هو ڪڏهن به پنهنجي پويان ڪچرو نه ڇڏيندا. انهن لاءِ ڪنهن به ملڪ ۾ راند ڏسڻ هڪ اعزاز آهي ۽ هو ان جاءِ کي صاف ۽ عزت سان ڇڏي وڃن ٿا.

واضح رهي ته نيدرلينڊز ۽ جاپان جي وچ ۾ اهو ميچ 2-2 گولن سان برابري تي ختم ٿي