لاهور: ڪاهنه ٽيوشن سينٽر سانحي جي جاچ لاءِ جوڊيشل ٽربيونل قائم ڪرڻ لاءِ گورنر پنجاب، وڏي وزير پنجاب ۽ ٻين لاڳاپيل اختيارين ڏانهن خط اماڻيو ويو آهي.

ايڊووڪيٽ محمد اظهر صديق پاران موڪليل خط ۾ چيو ويو آهي ته لاهور ۾ غير رجسٽرڊ ٽيوشن سينٽر جي ڇت ڪرڻ جو واقعو لاڳاپيل ادارن جي ناڪامي آهي.

خط ۾ مطالبو ڪيو ويو آهي ته غير رجسٽرڊ تعليمي ادارن کي رجسٽرڊ ڪيو وڃي ۽ ڪاهنه سانحي جي جاچ لاءِ جوڊيشل ٽربيونل جوڙي وڃي.

ٻئي پاسي، ٽيوشن سينٽر جي ڇت ڪرڻ سبب زخمي ٿيل خاتون استاد جو بيان پڻ سامهون آيو آهي. سندس چوڻ آهي ته ڇت پڪي ڪرائي وئي هئي، پر ايترا پئسا نه هئا جو لينٽر وڌائي سگهجي. حادثي وقت گهر ۾ ڪو به تعميراتي ڪم جاري نه هو.

هن وڌيڪ چيو ته سندس مڙس گهر ڀرسان ميوي جي ريڙهي لڳائيندو آهي.

واضح رهي ته ٻه ڏينهن اڳ لاهور جي علائقي ڪاهنه ۾ ٽيوشن سينٽر جي ڇت ڪرڻ سبب 14 ٻار فوت ٿي ويا هئا.