موسميات کاتي موجب ڪراچي ۾ ايندڙ ٽن ڏينهن دوران موسم گرم، نمي وارو ۽ جزوي طور ڪڪرائتو رهندو، جڏهن ته گرمي پد 37 ڊگري سينٽي گريڊ تائين پهچي سگهي ٿو. صبح ۽ رات جي وقت ڪجهه علائقن ۾ هلڪي بونداباندي جو به امڪان آهي. ٻئي طرف اڄ کان دادو ۽ ڄامشورو ۾ تيز هوائن ۽ گجگوڙ سان هلڪي برسات جي اڳڪٿي ڪئي وئي آهي، جڏهن ته سڀاڻي ۽ پرسون سکر، لاڙڪاڻو، جيڪب آباد ۽ سنڌ جي ٻين علائقن ۾ به برسات جو امڪان ظاهر ڪيو ويو آهي. موسميات کاتي موجب خميس کان گرمي ۾ گهٽتائي ۽ سامونڊي هوائن جي رفتار ۾ واڌ ٿيڻ جو امڪان آهي.
